மீண்டும்
பிரதமர் திரு நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில், அனைத்து மாநிலங்கள் / யூனியன் பிரதேசங்களில் 2023-24 நிதியாண்டு முதல் 2026-27 நிதியாண்டு வரையிலான அடுத்த நான்கு ஆண்டுகளில் மீன்வளத் துறையை முறைப்படுத்துவதற்கும், மீன்வளக் குறு மற்றும் சிறு நிறுவனங்களுக்கு ஆதரவளிப்பதற்கும் பிரதமரின் மத்ஸ்ய சம்படா திட்டத்தின் கீழ் மத்திய அரசின் துணைத் திட்டமான “பிரதமரின் மத்ஸ்ய கிசான் சம்ரிதி சா” திட்டத்திற்கு ஒப்புதல் அளிக்கப்பட்டது.
நோக்கங்கள்:
• முறைசாரா மீன்பிடித் தொழிலை தேசிய டிஜிட்டல் தளத்தில் சுய-பதிவு மூலம் முறைப்படுத்துதல், தொழிலாளர்களுக்கு டிஜிட்டல் ஐடிகளை உருவாக்குதல்.
• மீன்பிடித் துறையில் குறு மற்றும் சிறு வணிகங்களுக்கு நிறுவன நிதியுதவியை எளிதாக்குதல்.
• பயனாளிகளுக்கு மீன்வளர்ப்பு காப்பீட்டிற்கான ஒரு முறை ஊக்கத்தொகையை வழங்குதல்.
• மீன்வளம் மற்றும் மீன்வளர்ப்பு குறுந்தொழில்களில் வேலைகளை உருவாக்குதல்.
• பாதுகாப்பு மற்றும் தர உத்தரவாத அமைப்புகளை செயல்படுத்த மீன் வணிகங்களை ஊக்குவித்தல்.
பயனாளிகள்:
மீனவர்கள், மீன் (நீர்வாழ் உயிரின வளர்ப்பு) விவசாயிகள், மீன்பிடி தொழிலாளர்கள், மீன் விற்பனையாளர்கள் அல்லது மீன்பிடிப் பெருந்தொடரில் நேரடியாக ஈடுபட்டுள்ள நபர்கள்.
இந்தியாவில் பதிவு செய்யப்பட்ட தனியுரிமை நிறுவனங்கள், கூட்டாண்மை நிறுவனங்கள், சங்கங்கள், வரையறுக்கப்பட்ட பொறுப்புக் கூட்டாண்மை (எல்.எல்.பி), கூட்டுறவுகள், கூட்டமைப்புகள், சுய உதவிக் குழுக்கள், மீன் உற்பத்தியாளர் அமைப்புகள் (எஃப்.எஃப்.பி.ஓ), மீன்வளம் மற்றும் மீன்வளர்ப்பு மதிப்புத் தொடர்களில் ஈடுபட்டுள்ள புத்தொழில் நிறுவனங்கள் போன்ற கிராம அளவிலான அமைப்புகள்.
வேலைவாய்ப்பை உருவாக்கும் திறன் உட்பட முக்கிய தாக்கம்:
40 லட்சம் சிறு மற்றும் குறு தொழில் நிறுவனங்களுக்கு வேலை அடிப்படையிலான அடையாளங்களை வழங்க தேசிய மீன்வள டிஜிட்டல் தளத்தை உருவாக்குதல்.
மீன்வளத் துறையை படிப்படியாக முறைப்படுத்துதல் மற்றும் நிறுவனக் கடன்கள் பெறுவதற்கான வாய்ப்புகளை அதிகரித்தல். இந்த முன்முயற்சியால் 6.4 லட்சம் குறுந்தொழில் நிறுவனங்களுக்கும், 5,500 மீன்வள கூட்டுறவு அமைப்புகளுக்கும் நிறுவனக் கடன் கிடைக்க உதவும்.
இந்தத் திட்டம் மதிப்புத் தொடர் செயல்திறனை மேம்படுத்தி 55,000 குறு மற்றும் சிறு நிறுவனங்களுக்கு ஆதரவளிப்பதன் மூலம் பாதுகாப்பான, தரமான மீன்களை உறுதி செய்வதில் கவனம் செலுத்துகிறது,
சுற்றுச்சூழல் மற்றும் நிலைத்தன்மை முயற்சிகளை ஊக்குவித்தல்
வணிகம் செய்வதை எளிதாக்குதல் மற்றும் வெளிப்படைத்தன்மையை ஏற்படுத்துதல்.
உள்நாட்டுச் சந்தையில் மீன் மற்றும் மீன் உற்பத்திகளின் தரத்தை மேம்படுத்துதல்
உள்நாட்டுச் சந்தைகளை வலுப்படுத்துதல்
வேலைவாய்ப்புகளை உருவாக்குதல் மற்றும் வியாபார வாய்ப்புகளை உருவாக்குதல்
வேலைகள் மற்றும் பாதுகாப்பான பணியிடத்தை உருவாக்குவதன் மூலம் பெண்களுக்கு அதிகாரமளித்தல்
1.7 லட்சம் புதிய வேலைவாய்ப்புகளை உருவாக்கவும், 75,000 மகளிருக்கு வேலைவாய்ப்பு அளிக்கவும், குறு மற்றும் சிறு தொழில் மதிப்புத் தொடரில் தொடர்ந்து 5.4 லட்சம் வேலை வாய்ப்புகளை உருவாக்கவும் இலக்கு நிர்ணயிக்கப்பட்டுள்ளது.
தேவையான ஆவணங்கள்:
· ஆதார் அட்டை
· பான் கார்டு
· வங்கி கணக்கு விவரங்கள்
· வணிகப் பதிவுச் சான்றிதழ்
· திட்ட அறிக்கை
· நில ஆவணங்கள்
· கூட்டாண்மை பத்திரம் அல்லது சங்கத்தின் மெமோராண்டம்
எப்படி விண்ணப்பிப்பது?
- அதிகாரப்பூர்வ இணையதளத்தைப் பார்வையிடுவதன் மூலம் மத்ஸ்ய கிசான் சம்ரிதி சாவின் பலன்களைப் பார்க்கவும்.
-
- தொடங்குவதற்கு பிரதான பக்கத்தில் உள்ள ‘ஆன்லைனில் விண்ணப்பிக்கவும்’ இணைப்பைக் கிளிக் செய்யவும்.
- புதிய பக்கத்தில் உள்ள வழிமுறைகளைப் பின்பற்றவும், கேட்கப்பட்ட தகவலை வழங்கவும், தேவையான ஆவணங்களை இணைக்கவும்.
-
- ‘சமர்ப்பி’ விருப்பத்தை கொடுத்து செயல்முறையை முடிக்கவும்.
