ఈ యోజన వివరాలు ముందు ఈ “Press Information Bureau, Government Of India” వెబ్ సైట్ లో పబ్లిష్ అయ్యాయి . మరిన్ని వివరాలకు ఈ “http://pib.nic.in/newsite/erelease.aspx?relid=116207” వెబ్ సైట్ చుడండి

కొబ్బరిచెట్ల బీమా పథకం (CPIS) - కొబ్బరిచెట్ల బీమా పథకం (CPIS) అనేది జాతీయ పంట భీమా కార్యక్రమం (NCIP)లో భాగం. కొబ్బరిచెట్ల బీమా పథకం (CPIS) - కొబ్బరి సాగు ప్రధానంగా వాతావరణ మార్పులు, ప్రకృతి వైపరీత్యాలు, తెగుళ్ళు, చీడల మొదలైన ప్రమాదాలను ఎదుర్కొంటుంది. కొన్ని సమయాలలో, ప్రకృతి వైపరీత్యం లేదా చీడల దాడి కారణంగా ఒక ప్రాంతంలో ఉన్న మొత్తం కొబ్బరి సాగు కనుమరుగవుతుంది. కొబ్బరి శాశ్వత పంట మరియు ఈ పంటకు నష్టం వాటిల్లడంవల్ల రైతులకు కలిగే నష్టాలను భర్తీ చేయాల్సి ఉంటుంది. అంతేకాక, కొబ్బరి సాగు వర్షాధారిత నిర్వహణలో సాగుచేస్తారు, ఇది జీవసంబంధ మరియు అజీవ సంబంధ ఒత్తిళ్లకు అనువుగా ఉంటుంది,అందువల్ల ఒక బీమా పథకం ద్వారా కొబ్బరి రైతులు ప్రధానంగా చిన్న మరియు ఉపాంత రైతుల ఎదుర్కొనే ప్రమాదాలను కనిష్టం చేయాల్సిన అవసరం ఉంది. కొబ్బరిచెట్ల బీమా పథకం (CPIS) కింద బీమా మొత్తం మరియు ప్రీమియం: కొబ్బరిచెట్ల బీమా పథకం కింద విభిన్న వయస్సు గ్రూపులకు బీమా మొత్తం మరియు ప్రీమియంలు దిగువ పేర్కొన్నవిధంగా ఉంటాయి.

1. కొబ్బరి చెట్టు వయస్సు సంవత్సరాల్లో: 4 -15 సంవత్సరాల వరకు ; ప్రతి చెట్టుకు బీమా మొత్తం : రూ. 900; ప్రతి మొక్క/సంవత్సరానికి ప్రీమియం రూ. 9
2. కొబ్బరి చెట్టు వయస్సు సంవత్సరాల్లో: 16 -60 సంవత్సరాల వరకు ; ప్రతి చెట్టుకు బీమా మొత్తం : రూ. 1750; ప్రతి మొక్క/సంవత్సరానికి ప్రీమియం రూ. 14 కొబ్బరిచెట్ల బీమా పథకం (CPIS) కింద రిస్క్ కవరేజీ దిగువ పేర్కొన్న విపత్తుల ఫలితంగా కొబ్బరిచెట్టు మరణించడం/నష్టపోవడం లేదా చెట్టు అనుత్పాదకంగా మారడం:i. తుపాను, వడగండ్ల వాన, ప్రచండ గాలివాన, సుడిగాలి, భారీ వర్షాలుii. వరద మరియు జలమయం iii. వేగంగా వ్యాప్తి చెందే చీడపీడలు, చెట్టుకు కోలుకోలేని నష్టాన్ని కలిగించడం. iv. కార్చిచ్చు మరియు తుప్పల్లో నుంచి మంటలు రావడం, మెరుపులతో సహా ప్రమాదవశాత్తు మంటలు చెలరేగడం v. భూకంపం, కొండచరియలు విరిగిపడటం మరియు సునామీ vi. తీవ్రమైన కరువు దాని ఫలస్వరూపంగా పూర్తిగా నష్టం

కొబ్బరి చెట్టు బీమా పథకం (CPIS) కొరకు బీమా కాలం :పాలసీలు సాలీనా జారీ చేయబడతాయి. అయితే, పెంపకపుదారులు/రైతులు గరిష్టంగా మూడు సంవత్సరాల కాలం వరకు పాలసీని పొందవచ్చు, దీనికి, తోటయజమానులు/పెంపకపుదారులు రెండు సంవత్సరాల పాలసీకు ప్రీమియంపై 7.5% మరియు మూడు సంవత్సరాల పాలసీకు ప్రీమియం 12.5% రాయితీని పొందుతారు.

కొబ్బరిచెట్ల బీమా పథకం (CPIS) కొరకు దరఖాస్తుఫారం దిగువన ఇక్కడ లభ్యం అవుతుంది: http://www.aicofindia.com/AICEng/Pages/DownloadForm.aspx మరిన్ని వివరాల కొరకు, దయచేసి దిగువ వెబ్‌సైట్‌ని సందర్శించండి: http://www.aicofindia.com/AICEng/General_Documents/Product_Profiles/CPIS/CPIS.pdf